Jerusalem, Abril 13, 2026 (TPS-IL) — Matapos maranasan mismo ang mga lagim ng Holocaust, at mahigit 80 taon ang lumipas, 115 Holocaust survivors ang inilikas mula sa kanilang mga tahanan matapos itong masira dahil sa mga missile/rocket attack ng Iran at Hezbollah sa Israel noong nagdaang labanan kasama ang Iran. Ito ay ayon sa Israel’s Holocaust Survivors’ Rights Authority.
Isang 88-taong-gulang na Holocaust survivor mula sa Haifa na malubhang nasira ang tahanan ay nagsabi na ito na ang ikalawang pagkakataon na nailigtas ang kanyang buhay mula sa kamatayan. Noong bata pa siya, ang tren na kanyang sinasakyan patungong Soviet Union ay binomba ng mga Nazi at siya at ang kanyang kapatid ay nailigtas, at ngayon na nasa kanyang tahanan siya sa Haifa at tumama ang missile sa gusali, muli siyang nailigtas.
Sa panahon ng labanan, ayon sa Authority, ang paglikas ng mga Holocaust survivors ay isinagawa sa 12 iba’t ibang komunidad, karamihan sa mga inilikas ay mula sa timog: 34 Holocaust survivors mula sa Be’er Sheva, 28 mula sa Dimona, at 20 mula sa Arad. Isa pang grupo ng mga survivors na inilikas, na may bilang na 15, ay mula sa Beit Shemesh, at ang natitira sa mga lungsod sa hilaga at gitna ay mga indibidwal. Ang ilan ay inilikas sa mga hotel at karamihan sa kanila ay sa mga kamag-anak.