Shufersal, pinagmulta ng mahigit 8M NIS dahil sa paglabag sa data compliance
Shufersal, pinagmulta ng mahigit 8 milyong NIS dahil sa paglabag sa data compliance matapos tumangging magbigay ng gastos sa operasyon para sa pag-aaral ng presyo sa food industry.
Nagpataw ng multa na mahigit 8 milyong NIS ang Commissioner of Competition sa shufersal Ltd. noong Enero 21, 2026.
Tinanggihan ng Commissioner ang mga argumento ng shufersal matapos ang isinagawang pagdinig.
Ang paghingi ng datos ay bahagi ng pag-aaral sa istruktura ng presyo at gastos sa industriya ng pagkain sa Israel, kung saan kasama ang Shufersal at iba pang kumpanya.
Hindi ibinigay ng Shufersal ang kumpletong datos, partikular ang operational expenses nito. Sa kabila ng mga paglilinaw at paulit-ulit na hiling, iginiit ng kumpanya na wala ang impormasyon. Kalaunan, lumabas na mayroon pala ang datos at ibinigay ito sa authority. Dahil dito, nagdesisyon ang Commissioner na magpataw ng multa.
May legal na kapangyarihan ang Commissioner of Competition na humingi ng datos ayon sa Section 46(b) ng Economic Competition Law. Mahalaga ang kumpleto at tumpak na datos para sa trabaho ng Competition Authority, kabilang ang enforcement proceedings, pagsusuri ng mergers, at market studies.
Ang hindi pakikipagtulungan ay maaaring makasira sa kredibilidad ng mga natuklasan ng Authority, makahadlang sa trabaho nito, at makasama sa interes ng publiko.
Patuloy na kikilos ang Competition Authority upang matiyak na ang lahat ng kinakailangang datos ay maibibigay nang buo at tumpak, at magsasagawa ng hakbang laban sa mga lumalabag sa batas.
